ბარსელონა რეალ მადრიდი ვალენსია მანჩესტერ იუნაიტი / Manchester United ლონდონის არსენალი ლივერპული ჩელსი ტოტენჰემი მანჩესტერ სიტი ატლეტიკო მადრიდ ვილარეალი მილანი ივენტუსი ინტერი ბავარია

თარიღი 7-09-2012, 11:22  |  ავტორი: tornike baidoshvili  |   დათვალიერებულია: 8173
 (ხმები: 1)
ამერიკის ღია პირველობის 2003 წლის ჩემპიონმა და უიმბლდონის სამგზის ფინალისტმა ენდი როდიკმა ამ დილით თავისი ბოლო მატჩი ჩაატარა. ფლაშინგ მედოუსის კორტებზე ჩასატარებელი ტურნირის წინ ენდიმ განაცხადა, რომ შეჯიბრების დასრულების შემდეგ საჩოგბურთო კარიერას დაასრულებდა. ეს ოფიციალურად მერვედფინალში გაფორმდა – არგენტინელმა ხუან მარტინ დელ პოტრომ როდიკს 6:7 (1:7), 7:6 (7:4), 6:2, 6:4 მოუგო და ამიერიდან ენდის ექსჩოგბურთელის სტატუსი მიენიჭება.
“კარიერის განმავლობაში პირველად არც კი ვიცი, რა ვთქვა. ბავშვობიდან დიდ სიამოვნებას მანიჭებდა აშშ-ის ღია პირველობის მატჩებზე დასწრება. ვაკვირდებოდი მონაწილეებს და ვცდილობდი, მათთვის მიმებაძა. დიდი საჩოგბურთო გზა გავიარე, რომლის განმავლობაში აღმაფრენაც განვიცადე და დაღმასვლაც. უდიდესი მადლობა მსურს ვუთხრა გულშემატკივრებს. მათ ხშირად გულს ვწყვეტდი, თუმცა, სასიხარულო მომენტების განვაცდევინე”, - როდიკი მაყურებელს აღელვებული დაემშვიდობა.
ფლაშინგ მედოუს 2009 წლის ტრიუმფატორ დელ პოტროს რაც შეეხება, მისი სამეოთხედფინალო მეტოქე აშშ-ის ღია პირველობის მოქმედი გამარჯვებული ნოვაკ ჯოკოვიჩი იქნება. სერბმა 2 სეტი მოუგო 6:4, 6:1 მოუგო შვეიცარიელ სტანისლას ვავრინკას, მესამეში 3:1 დაწინაურდა, როდესაც ტრავმის მომიზეზებით ვავრინკამ თამაში შეწყვიტა.
აშშ-ის ღია პირველობა ტურნირის ხუთგზის ჩემპიონის როჯერ ფედერერის გარეშე გაგრძელდება. შვეიცარიელ დიდოსტატს ჩეხმა ტომაშ ბერდიხმა 4 სეტით 6:7 (1:7), 4:6, 6:3, 3:6 სძლია და ნახევარფინალში ენდი მარეის დაუპირისპირდება. შოტლანდიელმა მარინ ჩილიჩს 3:6, 7:6 (7:4), 6:2, 6:0 მოუგო და ნახევარფინალის საგზურთან ერთად წლის შემაჯამებელ ტურნირზე გამოსვლის უფლებაც გაინაღდა. “წლეულს ლონდონში ბედი მწყალობს და იმედია, სეზონის ბოლო შეჯიბრებაზეც კარგად გამოვალ”, - დასძინა ოლიმპიურმა ჩემპიონმა.







წინა შემდეგი
რონალდუს ფინტები


სპორტული განწყობა



რომელი კლუბის ფანი ხართ?
ბარსელონა wink
მადრიდის რეალი winked
ბაიერნი smile
დორტმუნდი feel
მილანი wassat
ჩელსი bully
ატლეტიკო laughing
არც ერთი am
სხვა... tongue