ბარსელონა რეალ მადრიდი ვალენსია მანჩესტერ იუნაიტი / Manchester United ლონდონის არსენალი ლივერპული ჩელსი ტოტენჰემი მანჩესტერ სიტი ატლეტიკო მადრიდ ვილარეალი მილანი ივენტუსი ინტერი ბავარია

თარიღი 18-07-2012, 12:28  |  ავტორი: tornike baidoshvili  |   დათვალიერებულია: 2495
 (ხმები: 0)
ქართველმა ჩოგბურთელმა ანა ტატიშვილმა შვედურ ბასტადში დაწყებულ 220-ათასიან ტურნირზე პირველივე მატჩი წააგო. 22 წლის ტატიშვილმა ქალთა საჩოგბურთო ასოციაციის (WTA) რეიტინგში მასზე 10 ადგილით წინ მყოფ ესპანელ სილვია სოლერ ესპინოსას პირველი სეტი კი მოუგო, თუმცა, საბოლოოდ, 6:4, 3:6, 0:6 დამარცხდა.
ტატიშვილმა 4 ორმაგი შეცდომა დაუშვა და 14 ბრეიკ-პოინტიდან მხოლოდ 4 გამოიყენა, თავად კი მოწოდება 7-ჯერ დათმო (12 შესაძლებლობიდან). ჯამში, ანამ მეტოქეზე 24-ით ნაკლები გათამაშება მოიგო (70:94).
შეგახსენებთ, რომ ტატიშვილს WTA-ს კლასიფიკაციაში 848 ქულით 73-ე პოზიცია უკავია, ბასტადში კი მონაგარს ვერაფერი შემატა და წინსვლას ნაკლებად უნდა ელოდოს. აქვე ვთქვათ, რომ Sony Swedish Open-ის წყვილთა ტურნირში ქართველი გოგონა რუს ვალერია სოლოვიევასთან გახლავთ შეამხანაგებული და მე-3 რეიტინგის მქონე ხორვატულ-უნგრულ დუეტთან (იურაკი-მაროსი) მოუწევს ჭიდილი.
უკრაინაში, კერძოდ კი, დონეცკის 50-ათასიან ტურნირზე ასპარეზობს სოფო ქვაცაბაია. წყვილთა გათამაშებაში ქართველი ჩოგბურთელი მასპინძელ ოლგა იანჩუკს შეუამხანაგდა და პირველ რაუნდში უკრაინელ კირილოვასთან და ებრაელ მასურისთან 6:7 (6:8), 6:4, 9:11 დამარცხდა. ერთეულთა ტურნირის ძირითად ბადეში ქვაცაბაია კიდევ ერთ უკრაინელ კატერინა კოზლოვას ეთამაშება.
ყაზახეთის ქალაქ ასტანას 25-ათასიან ტურნირზე კვალიფიკაციის დაძლევა მოახერხა ეკატერინე გორგოძემ. მე-4 ნომრად განთესილმა ქართველმა გოგონამ დასკვნით რაუნდში მე-16 ნომერი ალექსანდრა გრინჩიშინა (ყაზახეთი) 6:1, 6:1 დაამარცხა, ძირითად ბადეში კი უზბეკ ნიგინა აბდურაიმოვას გაეჯიბრება.
ასევე კვალიფიკაციის ერთ-ერთი გამარჯვებული საბინა კურბანოვა (რუსეთი) ელის მეტოქედ სოფო შაფათავას. წყვილებში მე-4 განთესვის მქონე გორგოძემ და შაფათავამ ბელორუსებს (მილევსკაია-პირაჟენკა) 6:2, 6:4 სძლიეს და მეოთხედფინალში გააღწიეს. ოქსანა კალაშნიკოვა და რუსი მარტა სიროტკინა, რომელთაც მე-3 რეიტინგი გააჩნიათ, საწყის რაუნდში რუსებს – ისაევას და კირილოვას დაუპირისპირდებიან.
იტალიურ იმოლიაში, კიდევ ერთ 25-ათასიან ტურნირზე წარუმატებლობა შეემთხვა მაკა ჩახნაშვილს. ქართველი ჩოგბურთელი აპენინებზე პირველ ნომრად გახლდათ განთესილი, თუმცა, კვალიფიკაციის ერთ-ერთ გამარჯვებულ ჯულია მაირთან მატჩის დასრულება ვერ მოახერხა. ჩახნაშვილმა შეხვედრა მაშინ შეწყვიტა, როდესაც 7:5, 5:7, 1:4 მარცხდებოდა.
თურქეთში, სტამბულის 10-ათასიანი ტურნირის პირველ წრეში მე-3 ნომრად განთესილ იაპონელ იურინა კოშინოს გაეჯიბრება ნათია გეგია, წყვილებში კი ქართველი და კიდევ ერთი იაპონელი იოშიმი კავასაკი ესპანელ პარეს ასკოიტიას და რუმინელ სტომლეგას გაეჯიბრებიან. თამარ ჭალაგანიძე და თურქი ზეინეპ სარიჩამი მე-4 ნომრად განთესილ თურქულ-რუსულ დუეტს (ერაიდინი-სიზიკოვას) ეთამაშებიან.







წინა შემდეგი
რონალდუს ფინტები


სპორტული განწყობა



რომელი კლუბის ფანი ხართ?
ბარსელონა wink
მადრიდის რეალი winked
ბაიერნი smile
დორტმუნდი feel
მილანი wassat
ჩელსი bully
ატლეტიკო laughing
არც ერთი am
სხვა... tongue