ბარსელონა რეალ მადრიდი ვალენსია მანჩესტერ იუნაიტი / Manchester United ლონდონის არსენალი ლივერპული ჩელსი ტოტენჰემი მანჩესტერ სიტი ატლეტიკო მადრიდ ვილარეალი მილანი ივენტუსი ინტერი ბავარია

თარიღი 17-07-2014, 08:59  |  ავტორი: Admin1  |   დათვალიერებულია: 556
 (ხმები: 1)
დღეს, 17 ივლისს, "ზესტაფონი" ევროპალიგის II საკვალიფიკაციო ეტაპის პირველ შეხვედრაში სლოვაკურ (ტრნავა) "სპარტაკს" დაუხვდება. მატჩი 20:00 სთ-ზე დაიწყება. სამწუხაროდ, ქართული ტელევიზიები შეხვედრის პირდაპირ ტრანსლაციას არ გეგმავენ.

სტუმრები ქუთაისში ჩარტერული რეისით ჩამოფრინდნენ და გეზი წყალტუბოსკენ აიღეს, სადაც კომფორტულ სასტუმრო "პლაზაში" დაბანაკდნენ.

* * *

მატჩის წინა დღეს "ზესტაფონის" ფეხბურთელებმა დაახლოებით ერთი საათი ივარჯიშეს. თვალშისაცემი იყო ფეხბურთელთა განსაკუთრებული მოტივაცია. ისინი ყოველი ბურთისთვის თავდაუზოგავად იბრძოდნენ.

სხვა განსაკუთრებული არაფერი ყოფილა - კვადრატი, გაწელვები, ტექნიკაზე მუშაობა, ორკარა ნახევარ მინდორზე და კარში დარტყმები... სრულად დაიტვირთა ფეხმტკივანი ნიკა გელაშვილი, ვინც 17 ივლისს, ალბათ, ითამაშებს.

"ზესტაფონის" მთავარ არენაზე, რომლის გაზონი დიდებულ მდგომარეობაშია, ვარჯიში "სპარტაკის" თავკაცმა ირუაი იარაბეკმაც ჩაატარა.

ინტენსიურმა წვრთნამ ერთ საათს გასტანა. სლოვაკები ფიზიკურად ძალიან ძლიერები ჩანან და არც ტექნიკა დაეწუნებათ. მარგველთა სამწვრთნელო შტაბი მეტოქის ვარჯიშს ტრიბუნიდან უმზერდა.

* * *

ერთი საინტერესო დეტალი - დღევანდელი მატჩის დელეგატად უეფამ სომეხი ქალბატონი, მარინე მხითარიანი მოავლინა. და მერე რაო? - იკითხავს მკითხველი. მერე ის, რომ ქალბატონი მხითარიანი "დორტმუნდის" ვარსკვლავის, ჰენრიხ მხითარიანის დედაა...

სლოვაკთა ვარჯიშის დასრულების შემდეგ სულ ცოტა ხნით მოგვეცა ამ სასიამოვნო ქალბატონთან გასაუბრების საშუალება. სამწუხაროდ, ვრცელი ინტერვიუს ჩაწერა სომეხი ბანოვანის გადატვირთული გრაფიკის გამო შეუძლებელი აღმოჩნდა. არადა, საინტერესო კი იქნებოდა...

სლოვაკეთიდან ჟურნალისტები კი ჩამოვიდნენ, მაგრამ ქომაგების სტუმრობა ბოლო წამს გადადებულა. სამაგიეროდ, იქაური კალმოსნები "დაგვპირდნენ", რომ საშინაო შეხვედრაში "სპარტაკის" ფანები "ზესტაფონს" ომახიანი შეძახილებით არ მოასვენებენ.

ერთი კია - მეტოქე საკუთარ ძალებში ზედმეტად დარწმუნებული ჩანს და იქნებ "ზესტაფონმა" ეს ფაქტორი სათავისოდ გამოიყენოს.


წყარო: sportall.ge






რონალდუს ფინტები


სპორტული განწყობა



რომელი კლუბის ფანი ხართ?
ბარსელონა wink
მადრიდის რეალი winked
ბაიერნი smile
დორტმუნდი feel
მილანი wassat
ჩელსი bully
ატლეტიკო laughing
არც ერთი am
სხვა... tongue