ბარსელონა რეალ მადრიდი ვალენსია მანჩესტერ იუნაიტი / Manchester United ლონდონის არსენალი ლივერპული ჩელსი ტოტენჰემი მანჩესტერ სიტი ატლეტიკო მადრიდ ვილარეალი მილანი ივენტუსი ინტერი ბავარია

საქართველოს კალათბურთელთა ნაკრებმა ევროპის 2015 წლის ჩემპიონატის საგზური 27 აგვისტოს მოიპოვა. იმ მომენტისთვის უცნობი იყო, რომელ ქვეყანაში ჩატარდებოდა ევრობასკეტი. მიზეზი ობიექტური გახლდათ: ქვეყანაში მიმდინარე საომარი მოქმედებების გამო უკრაინას არ შესწევს ძალა, ევროპის უპირველეს საკალათბურთო ფორუმს უმასპინძლოს; არადა, 2015 წელს ევრობასკეტი სწორედ უკრაინაში უნდა გამართულიყო.

გამოცხადდა, რომ ახალი მასპინძელი მსოფლიოს ჩემპიონატის მსვლელობისას, 8 სექტემბერს მადრიდში უნდა დასახელებულიყო.

კანდიდატურა ერთბაშად რვა ქვეყანამ წამოაყენა, რომელთაგან ზოგი პირველი ჯგუფური ეტაპის მასპინძლობისთვის მზადყოფნას ადასტურებდა, ზოგიც - მთლიანად ჩემპიონატის. აი, ეს რვაეულიც: საფრანგეთი, თურქეთი, ლატვია, ფინეთი, ისრაელი, გერმანია, ხორვატია, პოლონეთი.

8 სექტემბერს, ფიბა-ევროპის ხელმძღვანელობის საგანგებო სხდომაზე გადაწყდა: ევრობასკეტ 2015-ს ერთობლივად ოთხი ქვეყანა უმასპინძლებს.

შეხვედრის დაწყებამდე თურქეთმა მასპინძლობის კანდიდატურა მოხსნა. იგივე გაიმეორა ხორვატიამ, ოღონდ მხოლოდ ფინალური ეტაპის მასპინძლობაზე თქვა უარი. შესაბამისად, გადამწყვეტი სტადიის მასპინძლად ერთადერთი ქვეყანა დარჩა - საფრანგეთი. ასე რომ, ოთხი ჯგუფიდან გასული 16 გუნდი ფრანგულ ქალაქ ლილში შეიკრიბება და 27-ათასიან არენაზე გაარკვევს ევროპის ჩემპიონის ვინაობას.

მეორე ეტაპი პლეი-ოფის სისტემით გაიმართება, მერვედფინალი, მეოთხედფინალი და ა.შ.

ჯგუფური ეტაპი კი ევროპის სხვადასხვა კუთხეში ჩატარდება. ერთი ჯგუფის მატჩებს ხორვატიის დედაქალაქი ზაგრები უმასპინძლებს, მეორისას - გერმანული ბერლინი, მესამისას - ფრანგული მონპელიე, მეოთხისას - ლატვიური რიგა.

შეგახსენებთ, რომ გერმანიაში ევრობასკეტი 1993 წელსაც გაიმართა, ხოლო საფრანგეთში - 1999 წელს. ლატვიელებმა სულაც ევროპის მეორე ჩემპიონატი მიიღეს შორეულ 1937 წელს. რაც შეეხება ხორვატიას, ამ ქვეყნისთვის ისტორიაში ეს პირველი ასეთი მასშტაბის ღონისძიებაა.

"ევროპული კალათბურთის ისტორიული მომენტის წინაშე ვდგავართ, - აღნიშნა ფიბა-ევროპის პრეზიდენტმა თურგაი დემირელმა, - პირველად ვატარებთ ევრობასკეტს ოთხ სხვადასხვა ქვეყანაში. დარწმუნებულნი ვართ, ასეთი პროექტი გაამართლებს და მომავალშიც აუცილებლად გამოვიყენებთ. ყველა კანდიდატურა ღირსეული იყო, თუმცა საბოლოოდ მაინც ლატვიაზე, გერმანიაზე, საფრანგეთსა და ხორვატიაზე შევჩერდით".

ალბათ, გაინტერესებთ, როდის გაიმართება ევროპის ჩემპიონატის წილისყრა და რომელ კალათაში მოხვდება საქართველოს ნაკრები. ეს ყველაფერი მსოფლიოს ჩემპიონატის დასრულების შემდეგ გამოქვეყნდება. იყო პრეცედენტი, წილისყრა ნოემბერში გაიმართა, იყო შემთხვევა - იანვარში... დაველოდოთ ფიბა-ევროპის გადაწყვეტილებას.

მანამდე კი დაზუსტებით შეგვიძლია გითხრათ, რომ ევროპის ჩემპიონატი 2015 წლის 5 სექტემბერს დაიწყება და 20 სექტემბერს ფინალით დასრულდება. 24 მონაწილე ოთხ ექვსგუნდიან ჯგუფად გაიყოფა, საიდანაც მომდევნო ეტაპზე 4-4 საუკეთესო გავა. მომდევნო ეტაპი კი, როგორც გითხარით, პლეი-ოფია.

წინასწარ ცნობილია ისიც, რომ ევრობასკეტ 2015-ის ორი ფინალისტი ავტომატურად მიიღებს 2016 წლის რიოს ოლიმპიადის ლიცენზიას. მომდევნო ოთხი გუნდი კი 2016 წლის ზაფხულში ოლიმპიადის საკვალიფიკაციო ტურნირში ჩაებმება (სხვადასხვა კონტინენტის 12 ნაკრები 3 საგზურს გაითამაშებს).

წყარო: sportall.ge






რონალდუს ფინტები


სპორტული განწყობა



რომელი კლუბის ფანი ხართ?
ბარსელონა wink
მადრიდის რეალი winked
ბაიერნი smile
დორტმუნდი feel
მილანი wassat
ჩელსი bully
ატლეტიკო laughing
არც ერთი am
სხვა... tongue