ბარსელონა რეალ მადრიდი ვალენსია მანჩესტერ იუნაიტი / Manchester United ლონდონის არსენალი ლივერპული ჩელსი ტოტენჰემი მანჩესტერ სიტი ატლეტიკო მადრიდ ვილარეალი მილანი ივენტუსი ინტერი ბავარია

თარიღი 24-06-2012, 11:36  |  ავტორი: ika12  |   დათვალიერებულია: 753
 (ხმები: 1)
პოპულარულმა საკალათბურთო ვებ-გვერდმა NETSCOUTS Basketball ტრევიზოს კემპს მორიგი პუბლიკაცია მიუძღვნა და ისე როგორ იქნებოდა, მასში თორნიკე შენგელია არ მოეხსენიებინა. ამერიკულმა საიტმა ნბა-ს კემპის საბოლოო შეჯამება გამოაქვეყნა და კალათბურთელები ორ ჯგუფში – გამორჩეულები და იმედგაცრუებები – გააერთიანა. სასიხარულოა, რომ რჩეულთა შორის პირველი ადგილი ახალგაზრდა ქართველ ფორვარდს მიეკუთვნა.
აი, რას წერს აღნიშნული ვებ-გვერდი: “შენგელია ტრევიზოში სამივე დღეს გამორჩეული გახლდათ. მან დამსწრეებს თავი საკალათბურთო აზროვნებითა და ჩინებული მოძრაობებით დაამახსოვრა. სკაუტებში მისი სტილის მოთამაშეები ყოველთვის მოწონებას იმსახურებენ. ქართველ ფორვარდს სროლის პროცენტის გაუმჯობესება მართებს, თუმცა, ჩვენი ვარაუდით, მას დრაფტზე აუცილებლად აირჩევენ და ეს, სავარაუდოდ, მე-2 რაუნდის სტარტზე მოხდება”.
შენგელიას პერსონალური დახასიათება NETSCOUTS Basketball-ის საერთაშორისო სკაუტმა ლუკა ბასინიმაც ითავა და “დაადგინა”, რომ ქართველს როგორც მძიმე ასევე მსუბუქი ფორვარდის პოზიციაზე წარმატებით თამაში შეუძლია. “იგი მოხსნებში ძალიან ძლიერია და შეტევისას აგრესიულად გამოიყურება”, - ამბობს ბასინი და იქვე დასძენს, რომ შესაბამისი განვითარების შემთხვევაში, შესაძლოა, შენგელია არგენტინელი ანდრეს ნოჩიონის დონის მოთამაშე გახდეს, უარეს ვარიანტში კი ამერიკელი შელდენ უილიამსის ბედი ელის.
“შენგელიამ ტრევიზოს კემპზე საკუთარი შეტევითი პოტენციალითა და მრავალფეროვნებით წარუშლელი შთაბეჭდილება დატოვა. თუკი იგი სროლისას უფრო ზუსტი იქნება, არსებობს შანსი, ნბა-ში სასტარტო ხუთეულის წევრადაც კი იქცეს. თუმცა, შესაძლოა, თორნიკე აღნიშნული მიმართულებით ვეღარც განვითარდეს. ამ შემთხვევაში, იგი მყარ სამარქაფო მოთამაშედ იქცევა, რომლის ძირითადი მისიაც ფარზე ბრძოლა იქნება”.
შეგახსენებთ, რომ შენგელიას აგენტის ლევან მიქელაძის განცხადებით, თორნიკე შტატებს უახლოეს დღეებში მიაშურებს და იქ, მსუბუქად, ინდივიდუალურად ივარჯიშებს. “ფაქტია, რომ კემპის მერე შენგელიასადმი ინტერესი ძალიანაა გაზრდილი და იმედი გვაქვს, 28 ივნისს, დრაფტის შედეგებით კმაყოფილები ვიქნებით”, - ამბობს მიქელაძე.






რონალდუს ფინტები


სპორტული განწყობა



რომელი კლუბის ფანი ხართ?
ბარსელონა wink
მადრიდის რეალი winked
ბაიერნი smile
დორტმუნდი feel
მილანი wassat
ჩელსი bully
ატლეტიკო laughing
არც ერთი am
სხვა... tongue