ბარსელონა რეალ მადრიდი ვალენსია მანჩესტერ იუნაიტი / Manchester United ლონდონის არსენალი ლივერპული ჩელსი ტოტენჰემი მანჩესტერ სიტი ატლეტიკო მადრიდ ვილარეალი მილანი ივენტუსი ინტერი ბავარია

თარიღი 10-08-2015, 05:26  |  ავტორი: valeri123  |   დათვალიერებულია: 510
 (ხმები: 1)
უეფას ოფიციალურმა საიტმა სუპერთასის მატჩთან დაკავშირებით ვეტერანი ქართველი ფეხბურთელისა და ამჟამინდელი ენერგეტიკის მინისტრის, კახა კალაძის ინტერვიუ გამოაქვეყნა.
შეგახსენებთ, რომ კალაძემ 19 წლის განმავლობაში 4 გუნდი გამოიცვალა. ის თბილისის “დინამოს”, კიევის “დინამოს”, “მილანისა” და “ჯენოას” ფეხბურთელი იყო.
როგორ მატჩს ელოდებით?
ქართველი გულშემატკივრის მსგავსად, მეც მიმაჩნია, რომ ეს არის უდიდესი წარმატება ჩვენი ქვეყნისთვის. ფინალი ყოველთვის საინტერესო საყურებელია, მითუმეტეს, როცა ძლიერი გუნდები თამაშობენ. ორი ესპანური კლუბის დაპირისპირება უფრო საინტერესოს ხდის ამ მატჩს.
თვლი, რომ ჩემპიონთა ლიგის გამარჯვებული ყოველთვის ფავორიტია ევროპა ლიგის გამარჯვებულის წინააღმდეგ?
თუ შევადარებთ ამ 2 ტურნირის დონეს, განსხვავება აშკარაა. ევროპა ლიგაზე მოასპარეზე კლუბებს შედარებით ნაკლები ბიუჯეტი აქვთ. ჩემპიონთა ლიგა კი ყოველთვის საუკეთესო ტურნირად ითვლებოდა. რაც შეეხება ამ მატჩს, პროგნოზის გაკეთება რთულია. ვფიქრობ, “ბარსელონა” ფავორიტია, რადგან მათ საუკეთესო ფეხბურთელებისგან შემდგარი გუნდი ჰყავთ.
რას ნიშნავს ქართველი გულშემატკივრისთვის მესის ნახვა?
გაყიდული ბილეთების რაოდენობამ გვაჩვენა, თუ როგორ ელოდებიან ქართველები ამ მატჩს. სუპერთასი უკვე წლებია ტარდება, მაგრამ ამხელა მოთხოვნა ჯერ არ მინახავს. ქართველებს ფეხბურთი ძალიან უყვართ. მესის და მისი გუნდის გულშემატკივრები კი ბედნიერები არიან, რომ მათ თამაშს ნახავენ.
რას დატოვებს ეს მატჩი საქართველოში, საფეხბურთო და ზოგადი თვალსაზრისით?
როდესაც ასეთი დონის ფეხბურთელები ჩამოდიან, ეს ნებისმიერი ქვეყნისთვის მნიშვნელოვანი მოვლენაა. ეს იქნება დიდი მოტივაცია ახალგაზრდა ქართველი ფეხბურთელებისთვის. მათ საშუალება ექნებათ ნახონ დიდი ფეხბურთელების ვარჯიში და თამაში. პოლიტიკურად თუ ვიმსჯელებთ, ეს მატჩი ქვეყანას ხელს შეუწყობს პოპულარიზაციაში. დარწმუნებული ვარ, 5-6 წლის წინ თბილისი ასეთი დონის ტურნირს ვერ უმასპინძლებდა, რადგან სტადიონი სათანადო მდგომარეობაში არ იმყოფებოდა. საქართველოს მთავრობამ ინფრასტრუქტურაში დაახლოებით 8 მილიონი დახარჯა და ახლა ჩვენ მზად ვართ ვუმასპინძლოთ სუპერთასს.
სუპერთასი 2007 წელს მოიგე, რა დაგამახსოვრდათ ამ მატჩიდან?
ეს ძალიან მნიშვნელოვანი მატჩი იყო როგორც ჩემთვის, ისე ჩემი გუნდისთვის. რთული შეხვედრა იყო, მაგრამ მაინც შევძელით წარმატების მიღწევა. მაშინ “მილანი” საუკეთესო კლუბი იყო მსოფლიოში. ეს იყო ჩემი საუკეთესო წლები ამ გუნდში.
საქართველო შემტევი ფეხბურთით გამოირჩევა. როგორ მოხდა, რომ ამ ქვეყანაში ყველაზე წარმატებული მოთამაშე მცველია?
დიახ, ქართველები ლამაზი და ტექნიკური ფეხბურთით გამოირჩევიან, მაგრამ მე განსხავებული ვიყავი, ფიზიკურად ძლიერი. ვცდილობდი დავხმარებოდი ყველას იქ, სადაც პრობლემა გვქონდა. ჩემს წარმატებაში სამი ფაქტორია – სიმტკიცე, შრომისმოყვარეობა და რა თქმა უნდა, გამართლება.
რა სირთულეები დაძლიე სპორტიდან პოლიტიკაში გადასვლის დროს? დაგეხმარა სპორტი ახალ სფეროში გადასვლაში?
სანამ ამ გადაწყვეტილებას მივიღებდი, ძალიან ბევრი ვიფიქრე. ვიცოდი, რა სირთულეები მელოდა პოლიტიკაში წასვლის შემდეგ. რა თქმა უნდა, პირველი რამდენიმე თვე მუშაობა გამიჭირდა, რადგან ყველაფერი ახალი იყო, მაგრამ მე მქონდა გარკვეული გამოცდილება ამ საქმეში. ბიზნესისგან მიღებული გამოცდილება ძალიან დამეხმარა ახალ სფეროში დასამკვიდრებლად.

ინფორმაციის წყარო:






რონალდუს ფინტები


სპორტული განწყობა



რომელი კლუბის ფანი ხართ?
ბარსელონა wink
მადრიდის რეალი winked
ბაიერნი smile
დორტმუნდი feel
მილანი wassat
ჩელსი bully
ატლეტიკო laughing
არც ერთი am
სხვა... tongue